Universidade Nacional Timor Lorosa’e (UNTL) nia Magnífiku Reitór Profesór Dr. Joviano António da Costa M.Eng hasoru malu ho University of Sydney nia Diretora Mrs. Sandra Alday hodi deskuti kooperasaun, iha Videokonferénsia, UNTL nian, Díli (9/06).

Iha diskusaun ne’e, UNTL ho University of Syndey ne’ebé sei apoiu husi The Sydney Shouteast Asia Centre (SSEAC) iha Timor-Leste hamutuk ho parseiru internasional no nasional sira. Foku mós atu bele estabelese akordu hodi haforsa kolaborasaun ho di’ak, liuliu foku ba área sira hanesan saúde, inkluzaun sosial, agrikultura, no peskiza.

Akompaña husi Visereitora ba Asuntu Estudantís, Profesora Bia Ble Hitu Carvalho de Jesus, Visereitór ba Asuntu Pós-Graduasaun no Peskiza nian, Profesór Vicente de Paulo Correia, Proreitór ba Asuntu Kooperasaun nian, Profesór Cristovão dos Reis, Dekanu interinu Faculdade Agricultura nian, Profesór Graciano Soares Gomes, Diretór Sentru Nacional ba Investigasaun Sientífika nian, Profesór Carlos da Conceição de Deus, Dosente sira husi Departamento de Inclusão Social nian no Koordenadora SSEAC nian, Dr. Lynda-Ann Blanchard ho parseiru internasional no Nasional sira.