Universidade Nacional Timor Lorosa’e (UNTL) nia Magnífiku Reitór Profesór Dr. Joviano António da Costa M.Eng. hasoru malu ho Diretór Mr. Long Luo husi Guangdong Institute of Ethnic and Religious Studies (GIERS) husi China, iha Videokonferénsia, UNTL nian, Díli (20/07).

Iha vizita instituisional ne’e, parte rua deskuti kona-ba kooperasaun no asuntu prioridade sira ne’ebé presiza atu koopera liuliu oinsá bele halo estudu interkámbiu no peskiza iha área relijiaun no multikulturalismu iha Timor-Leste.

Akompaña husi Proreitór ba Asuntu Kooperasaun nian, Profesór Cristovão dos Reis, Dekana Faculdade de Filosofia e Ciências Humanas, Madre Esmeralda Piedade de Araújo, Xefe Departamento ba Centro Estudo Cultura e Arte nian, Sra. Emeliana da C. B. de Andrade, asistente tékniku no ekipa husi GIERS nian.