Detalhes

Escrito por Mateus Goncalves

Publicado em 08 janeiro 2024

Atualizado em 08 janeiro 2024

Visualizações: 182

Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins MPH, Ph.D, partisipa tomada-posse ba Reitór Universidade Oriental Timor Lorosa’e (UNITAL), Prof. Florindo Pereira, M.Si,Ph.D ho mandatu ba tinan haat (2024-2028).

 Serimónia tomada-posse ne’e, lokaliza iha kampus UNITAL nian, Becora Dili (28/12), prezide husi Presidente Fundasaun UNITAL Maijor General MAUNANA, hodi fó posse ba Reitór UNITAL nian ba mandatu daruak nian 2024-2028.

Serimónia ne’e partisipa husi Prezidente Fundasaun UNITAL Maijor General MAUNANA, Diretór Ezekutivu FDCH Profesór Julio Aparício, Reitór Universidade sira, Dekanu, Dosente, Funsionáriu, Estudante no konvidadu sira.

#TimorLeste #UNTL #UNITAL 28 Dezembru 2023

Média UNTL 📝: Laurindo da Cruz Gomes
Foto 📷: Eugenia de Jesus Guterres

Comment

Detalhes

Escrito por Mateus Goncalves

Publicado em 28 dezembro 2023

Atualizado em 28 dezembro 2023

Visualizações: 177

Universidade Nacional Timor Lorosa'e (UNTL) nia Magnífiku Reitór Prof. dr. João Soares Martins MPH, Ph.D. asina memorandu entendimentu (MoU) ho reprezentante JICA (Japan International Cooperation Agency ), Mr Ito Mempei, iha Faculdade de Engenharia Ciência e Tecnologia, Hera-Díli (20/12).

Objetivu husi assina MoU ne'e hodi koopera no formaliza apoiu ba reabilitasaun projetu Solar Panel ne'ebé dadaun ne'e balun avaria ona.

Asina memorandu ne'e, partisipa husi Visereitór ba Asuntu Administrasaun Finansas no Administradór Jerál, Profesór Helio A. X. Mauquei, Proreitór ba Asuntu Kooperasaun Profesór Tomé Xavier Jerónimo, Vise-Dekanu, ekipa husi JICA no no Funsionáriu PRAC nian.

#TimorLeste #UNTL #FECT #PRAC #JICA 21 Dezembru 2023
Média UNTL 📝: Mario Jonio
Foto 📷: Denilson A. Barros

Comment

Detalhes

Escrito por Mateus Goncalves

Publicado em 28 dezembro 2023

Atualizado em 28 dezembro 2023

Visualizações: 220

Universidade Nacional Timor Lorosa’e (UNTL) nia Magnífiku Reitór Prof. dr. João Soares Martins MPH. Ph.D ho Vise-Ministru ba Operasionalizasaun Hospitais S.E. Flavio B. Mendes de Araujo halo inaugurasaun ba Poliklínika Universitáriu, iha Kampus sentral UNTL nian Dili (21/12).

Iha diskursu Magnífiku Reitór hatete, ho grasa Maromak nian bele halibur hamutuk hodi halo inaugurasaun ba Políklinika UNTL nian, tanba prepara ona iha tinan tolu kotuk ba nia prosesu hetan ona lisensa.

“Naran Poliklínika la’ós atu fó atendementu de’it ba Sivitas Akadémika UNTL (Estudante, Dosente no Funsionariu) sira, maibé bele serve mós ba estudante sira FMCS hodi hala’o estájiu no prátika”, dehan Reitór.

Iha fatin hanesan Vise-Ministru ba Operasionalizasaun Hospitais S.E. Flávio B. Mendes de Araujo hatete, prezensa Poliklínika ne’e kuandu hetan ona konfiansa husi Sivitas Akadémika ne’e di’ak, tanba hamenus ona pasiente husi universidade ne’e ba ospitál.

“Prezensa Poliklínika tuir Ministériu Saúde nia haree bele prepara mós formasaun ne’ebé iha no bele ajuda mós Governu iha nia servisu sira. Ha’u mós fiar katak fatin ida-ne’e bele sai fatin akonsella di’ak no fatin ne’ebé bele haree ba aspetu saúde mentál hodi bele hasa’e produtividade di’ak ba ema hotu”, tenik Dr. Flávio.

Partisipa husi Visereitór, Proreitór, Diretór Nacionais Diretór Jerál, Diretor sira, Pe. Acacio Domingos de Castro, Diretór Ezekutivu FDCH Profesor Julio Aparicio, Diretora Poliklínika Universitaria Dra. Teresa Madeira, funsionariu, estudante, inklui konvidadu sira.

#TimorLeste #UNTL #PoliclínicaUniversitária #MS 21 Dezembru 2023
Média UNTL 📝: Eugenia de Jesus Guterres
Foto 📷: Denilson A. Barros

Comment

Detalhes

Escrito por Mateus Goncalves

Publicado em 18 dezembro 2023

Atualizado em 18 dezembro 2023

Visualizações: 197

Universidade Nacional Timor Lorosa’e (UNTL) nia Faculdade de Ciências Sociais (FCS) realiza semináriu hodi aprezenta rezultadu prelimináriu peskiza fakuldade nian 2023, ho tema “Hamutuk ho Siénsia Hakat ba Exelénsia” peskiza ne’ebé distribui ba departamentu hotu iha FCS nian, iha kampus Kaikoli UNTL nian, Díli (15/12).

Relasiona ho eventu ne’e Dekanu FCS nian, Profesór Doutór José António L. da Costa hateten, eventu ne’e importante tebes ba peskizadór husi departamentu neen hodi aprezenta sira-nia rezultadu prelimináriu.

“Fakuldade espera husi rezultadu prelimináriu ne’e ho rekomendasaun husi partisipante sira bele kontribui ba hariku liután dadus peskiza nian.

Agradese ba peskizadór sira, tinan ne’e departamentu neen mak halo peskiza, no ba tinan oin ita sei haloo boot liután, nune’e bele promove atividade peskiza iha área ne’ebé bele kontribui ba dezenvolvimentu”, hateten Dekanu.

Iha aprezentasaun Profesór Flávia A. Martins hateten, peskiza ne’ebé nia aprezenta aborda kona-ba “A dificiência do uso de língua portuguesa nos estabelecimentos de ensino e na administração pública em Timor-Leste”, peskiza ne’ebé halo tiha ona iha 2022 hetan apoiu husi CNIC (Centro Nacional de Investigação Científica). Embora peskiza ba fakuldade nian sei iha hela faze analiza inklui área terjetu balun seidauk foti dadus.

“Peskiza ne’e ami hala’o ho objetivu atu buka hatene kona-ba defisiénsia uzu Língua-Portugeza ho baze fundamentál ida mak dosente hanorin matéria língua-Portugeza no dosente ne’ebé hanorin matéria iha universidade liuliu FCS.

Nia defisiénsia barak tebes, tanba ita hanorin estudante sira defísil tebes iha espresaun eskrita no orál, preokupasaun mak se estudante sira la entende língua mak defisil komprende esensia husi konteúdu matéria ne’ebé sira aprende”, hateten.

Iha sesaun aprezentasaun nian departamentu idaidak hato’o rezultadu prelimináriu peskiza ne’ebé hala’o ona. Hafoin hetan apresiasaun husi fakuldade liuliu partisipante sira tantu Konsellu Doutór, dosente no estudante sira.

#TimorLeste #UNTL #FCS 15 Dezembru 2025
Média UNTL 📝: Miguel Gonçalves
Foto 📷: Miguel Gonçalves

Comment