- Detalhes
- Visualizações: 455
#TimorLeste #UNTL #CECA #FundaçãoOriente #COVID19#COVID19 29 Abríl 2022
Universidade Nacional Timor Lorosa’e (UNTL), nia Centro de Estudo de Cultura e Artes (CECA), liuhusi atividade “Tardes de Literatura e Música”, halao “Conversas Literárias” ho Profesora Hérica Pinheiro no Profesór Doutór Vicente Paulino, iha Fundação Oriente, Díli (27/04).
Iha sesaun ne’e Profesora Hérica aprezenta kona-ba konseituasaun literatura no literatura rezisténsia nian, ne’ebé aborda liu kona-ba konseitu literatura nian no eskritór timoroan sira: Luís Cardoso, Fernando Sylvan, Xanana Gusmão, nomós ko’alia kona-ba tekstu literáriú ne’ebé publika iha jornál Kaibauk no jornal rezisténsia nian. 
“A nossa vida é uma narrativa – Ita nia moris ne’e nu’udar narativa ida”, tanba ne’e mak textu literáriu ne’ebé eskritór sira hakerek ne’e nu’udar “revitalizasaun hosi linguajen ne’ebé hato’o ka ezpresa hosi hakerek-nain ne’e rasik”, haktuir Profesora ne’e.
Enkuntu Profesór Vicente Paulino hato’o kona-ba “vida em literatura e poesia, moris ne’e nu’udar poesia no literatura ida”.
“Moris ne’e nu’udar poesia no literatura ida, nune’e mós moris ne’e nu’udar terapia ida hosi kriasaun no sensasun imajinativa ita emar nian iha literatura, no repetisaun hosi estasaun tempu ida ba tempu ida nain”, tenik Diretór CECA nian.
Atividade ne’e rasik hetan apoiu husi Fundação Oriente iha Díli, no sei hala’o kada fulan, no partisipa husi profesór no estudante sira
Média UNTL 📝 : CECA
Foto 📷 : Arkivu CECA
- Detalhes
- Visualizações: 416
#TimorLeste #UNTL #VRAAFAG #COVID19 #COVID19TL 27 Abril 2022
Universidade Nacional Timor Lorosa’e(UNTL), liuhusi Visereitór ba Asuntu Administrasaun Finansa no Administradór-Jerál (VRAAFAG), Profesór Hélio A. H. Mauquei, Ph.D, hateten edifísiu refere sei uza ba servisu administrasaun jerál, hodi halo atendimentu ba nesesidade Universidade nian.
“Ita iha ona faze transferénsia funsionáriu sira kada Diresaun hanesan Finansas, Lojístika, Patrimóniu Bens, Rekursu Umanu, Pagamentu Propinas, Planu Finansas, nomós diresaun seluk”, tenik Visereitór iha kampus Sentrál UNTL nian, Díli (26/04).
Visereitór garante, ho espasu edifísiu foun ne’e bele servisu ho efetivu no produtivu liután, nomós husu ba diresaun sira uza edifísiu refere atu servisu ho responsabilidade nune’e bele apoiu di’ak liután hodi hasa’e produtividade servisu universidade nian.
Média UNTL 📝 : Denilson Amandio Barros
Foto 📷 : Julito Afonso
- Detalhes
- Visualizações: 4264
#TimorLeste #UNTL #EmbaixadadeCuba #COVID19 #COVID19TL 27 Abril 2022
Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins, MPH, Ph.D, akompaña husi Visereitór sira, simu vizita husi Enkarregada Negósiu husi Embaixada Cuba 🇨🇺 iha Timor-Leste, Sra. Yudith Sánchez Espinola ho ekipa iha sala videokonferénsia Kampus Sentral UNTL nian (26/04).
Objetivu husi vizita ne’e atu hametin relasaun di’ak entre UNTL ho Embaixada Cuba nian, nune’e bele mellora kursu sira iha universidade liuliu ba Eskola Superiór Medisina (Fakuldade Medisina no Siénsia Saúde) no Departamentu Ensinu Edukasaun Físika no Desportu (Fakuldade Edukasaun, Arte no Umanidade).
Partisipa iha sorumutu ne’e, Visereitór ba Asuntu Akadémiku no Garantia Kualidade, Profesór Doutór Samuel Venâncio de Sousa Freitas, Visereitora ba Asuntu Estudantís, Profesora Eng.ª Lígia Tomás Correia, M.Sc, Proreitora ba Asuntu Kooperasaun, Profesora Doutora Lídia Gomes, Dekanu Fakuldade Medisina no Siénsia Saúde (FMCS), Profesór José Deonísio Ximenes, Dekana Fakuldade Edukasaun, Arte no Umanidade (FEAH), Profesora Ana Cristina de Jesus Silveira Martins, no ekipa delegasaun husi Embaixada Cuba nian.
Média UNTL 📝 : Denilson Amandio Barros
Foto 📷 : Denilson Amandio Barros
- Detalhes
- Visualizações: 3014
#TimorLeste #UNTL #COVID19 #COVID19TL 27 Abril 2022
Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins MPH.PhD, hamutuk ho estrutura diskute no armoniza proposta revizaun Estatutu Universidade nian ba versaun finál, iha Auditóriu Kampus Liceu UNTL nian, Díli (27/04). 
Magnífiku Reitór agradese ba Profesór Tomé Xavier Jerónimo ho ekipa ne’ebé prepara ona proposta revizaun Estatutu ne’e, sorumutu refere atu haree fila fali versaun finál nian, maibé mai iha ne’e atu husu hotu-hotu nia hanoin hodi armoniza di’ak liután.
“Apresia tebes ba Profesór Tomé ho ekipa tanba ho esforsu tomak prepara ona proposta revizaun Estatutu ida ne’e, ohin ita iha ne’e atu haree hamutuk, versaun finál ekipa nian, karik iha ideia ruma bele hato’o”, tenik Reitór.
Prezidente Komisaun ba Preparasaun Proposta Revizaun Estatutu nian, no atuál Proreitór ba Asuntu Provedoria no Akonsellamentu Profesór Tomé Xavier Jerónimo hateten, presiza rona fila fali estrutura sira nia hanoin kona-ba estatutu ne’ebé prepara ona.
“Agradese ba ita boot sira hotu nia prezensa, ohin ita hamutuk iha ne’e, tanba atu rona ideia husi ita boot sira kona-ba proposta revizaun Estatutu ne’ebé ami prepara ona, espera katak ita hotu sei kontribui ideia nune’e bele halo mudansa di’ak ba Universidade Nasionál”, dehan Profesór Tomé.
Partisipa husi Visereitór, Proreitór, Dekanu, Visedekanu no Dosente sira.
Média UNTL 📝 : Leonia de A. Da Costa
Foto 📷 : Denilson Amandio Barros
- Detalhes
- Visualizações: 4198
#TimorLeste #UNTL #DNRH #COVID19 #COVID19TL 26 Abril 2022
Universidade Nacional Timor Lorosa’e (UNTL) liuhusi Diresaun Nacional Rekursu Umanu (DNRH) nia Diretór Nasionál Sr. Agustinho Quelo, iha Kampus Sentrál UNTL nian, Díli (25/04) destaka katak atualmente nia diresaun hala’o hela preparasaun atu anúnsia vaga ba Rejime Espesiál no Rejime Jerál ba públiku.
“Bazeia ba planu UNTL nian iha tinan 2022, UNTL sei halo rekrutamentu ba Rejime Espesial (Dosente) s no Rekrutamentu Rejime Jeral (Funsionariu Administrasaun), agora dadaun DNRH halo hela analizasaun ba Termu Referensia (TOR) ne’ebe fakuldade no Diresaun sira submete mai DNRH atu koloka vaga tuir kategoria no grau, preparasaun ba prosesu rekrutamentu ba rejime jeral nian prosesu too ona KFP no agora dadaun KFP prepara atu fo sai ba publiku, konaba prosesu rekrutamentu Dosente nian hotu ona semana oin UNTL enkamiña proposta rekrutamentu Dosente nian ba KFP hodi fo sai ba públiku”, tenik Sr. Quelo.”, tenik Sr. Quelo.
Diretór ne’e hatutan, bazeia ba enkontru Konsellu Jestaun UNTL nian vaga Rejime Espesiál nian hamutuk 61 ba Departamentu 24 husi Fakuldade 9, ba Rejime Jerál (Funsionáriu Administrativu) nian vaga 34.
Média UNTL 📝 : Agostinho da Cruz e Silva
Foto 📷 : Denilson Amandio Barros