#TimorLeste #UNTL #DNRU #KFP #COVID19 #COVID19TL 11 Maio 2022

Universidade Nacional Timor Lorosa'e (UNTL) hamutuk ho Komisaun Funsaun Públika (KFP), loke konkursu públiku ba kategoria/grau mak hanesan; Tékniku Profesional/Grau C (vaga 10), Tékniku Profesional/Grau D (vaga 19), Tékniku Administrativu/Grau E (vaga 4), no Assistente Administrativu/Grau F (vaga 4).

QWE 1

QWE 2QWE 3Ba interesadu sira, bele haree informasaun kompletu no termu referensia ba kada vaga iha avizu no dokumentu aneksu (bele download iha link tuir mai):

https://drive.google.com/.../1smEindHLPRl2TpcCe6nFtCSwP3M...

Média UNTL 📝 / DNRU

Comment

#TimorLeste #UNTL #FEAH #COVID19 #COVID 19TL 08 Maiu 2022 

Universidade Nacional Timor Lorosa’e (UNTL) liuhusi Fakuldade Edukasaun Arte i Umanidade (FEAH) komemora Loron Mundial Língua Portugeza hanesan mós Lian Ofisiál ho tema “Unidos pela Língua Portuguesa” iha Kampus Liceu UNTL nian, Díli (05/05).po 1

Visedekanu Asuntu Estudantil, Profesór Sabil José Branco, iha abertura hatete, Língua Portugeza hanesan Lian ofisiál Timor-Leste nian, ne’ebé hatur ona iha Konstituisaun, no FEAH nia graduadu sira mak asume papel importante atu promove. 

“Ohin ita hamutuk selebra loron mundiál no importante ba timoroan hotu komemora loron Lian Portugés, tanba ita mós pertense ba Komunidadade País Lian Portugés (CPLP) nian, hanesan mós identidade Timoroan nian , ita orgullu pertense país uníku iha Sudeste Asiátiku prinsipalmente akadémika utiliza hodi aprende siénsia", tenik Visedekanu.po 2

Profesór Sábil deseja katak estudante universidade nian liuliu FEAH ne'ebé prepara futuru profesór, importante tebes promove Lian Portugés iha prosesu ensinu.

Diretór Institutu Nasionál Linguistíka (INL) no Centro da Língua Portuguesa (CLP) Profesór Benjamim de Araújo e Corte-Real, Ph.D hatete, sentidu husi loron 5 Maiu hanesan ezisténsia loron internasional lian portugés, hanesan loron lian nian no kultura CPLP, hodi hanoin fila fali akordu entre Portugal ho Indonesia ba realizasaun referendum 1999.

“Língua Portugeza ohin loron dezenvolve ba bebeik iha ita-nia sosiedade, neneik ita sei manan difikuldades atu aprende portugés, experiénsia ne’ebé iha pasadu, iha tinan 2001, joven lubuk ida rekruta ba programa kooperasaun ho Portugál nian, joven sira iha difikuldade portugés, maibé ho tempu ohin ema hotu bele ko'alia. tanba ne'e ita-nia lian, kultura no ita-nia istória", tenik Diretór INL.

Reprexentate Diresaun Nasionál Ministériu Negósiu Estranjeiru i Koperasaun CPLP nia Diretór Dr. Flaviano Faria hatete, Diresaun Nacionál da CPLP, iha funsaun prinsipál hodi halo mobilizasaun no akulturasaun, ne’ebé relasiona ho atividade ba komemorasaun loron Mundial nian, hodi reforsa komprimísiu no hametin relasaun entre Timor-Leste ho CPLP. po 03

“Agradese ba inisiativa no kongratula Magnífiku Reitór UNTL ne’ebé orienta Professor Doutor Benjamin de Araújo Corte-Real kordena ho departamentu sira hotu iha UNTL, ho sentidu planu realizasaun atividade sira hodi selebra loron importante ida ohin, ne’ebé sei hala’o durante loron 3-7 fulan Maiu, hodi konvida ita hotu, embaixadór, reprezentante CPLP, G7+ no seluk tan, hamutuk ita selebra atividade ida ne’e,”akresenta Faria.

Iha fatin hanesan, Embaixadór Brasíl iha Timor-Leste, Dr. Maurício Madeiros de Assis hatete, jovens mak futuru lider nasaun nian, Portugal mak istória inísiu língua portugeza, mezmu pais ki’ik ida, maibé iha forsa bele to’o iha kontinente Amérika, Áfrika nomós Ázia.po 8

“Ha'u orgullu tebes ba joven no estudante sira-nia prezensa iha ne’e, agradese tebes ba aseita kooperasaun ida ne’e, ami nafatin vontade koopera ho Timor-Leste. Timor iha ami nia fuan, no brasileiru hotu koñese Timor nia istória husi Luta ba independénsia tanba Timor irmaun ho Brazíl, sempre iha ami nia fuan,”akresenta Dr Maurício.

Eventu refere organiza husi FEAH, ho apoiu husi Leitorado Brasileiro iha UNTL, no hetan partisipasaun husi Vise Dekanu Asuntu Administrasaun i Finansas Professor Elvis Fernandes Brites da Cruz, Embaixadora Portugal iha Timor, Dra Maria Manuela Freitas Bairos, Adida Kooperasaun Portugál, Vise Cônsul Brasil iha Díli, delegada Fundasaun Oriente, Dra. Joana Saraiva, Diretór Sentru sira, Koordenador Projeto Foco-UNTL Profesor Dr. Paulo M. Faria, Diretór Departamentu, dosente no estudante sira. po 3

Media UNTL 📝: Altur Ramos 

Foto 📷: Altur Ramos

Comment

#TimorLeste #UNTL #FD #COVID19 #COVID19TL 05 Maiu 2022

Universidade Nasional Timor Lorosa’e (UNTL) nia Fakuldade Direitu realiza semináriu ho tema “A Importância Geo-estratégica da Língua Portuguesa na Atualidade” hodi komemora Loron Mundiál Língua Portugeza (5 Maiu), no hanesan mós loron Língua Portugeza no Kultura iha Comunidade dos Países de Língua Portuguesa (CPLP) nian, iha Kampus Sentrál UNTL nian, Díli (05/05). pppp 1

Visedekanu ba Asuntu Estudantíl, Fakuldade Direitu nian, Profesór Estevão Fernandes hatete, komemorasaun loron Mundiál Língua Portugeza  ne’e importante tebes, aleinde lian ofisiál, Fakuldade Direitu UNTL nian, uza hanesan língua obrigatóriu iha prosesu ensinu-aprendizajen.

“Importánsia komemorasaun ne’e tanba Língua Portugeza hanesan lian komunikasaun, enkuantu nu'udar língua ba siénsia, kultura iha Timor-Leste fortifika no konsolida hanesan lian ofisiál, tanba ne'e ami-nia Fakuldade Direitu iha UNTL uza hanesan lian obrigatóriu iha prosesu hanorin no aprende nian”, tenik Visedekanu.

Iha sesaun palestra partilla perspetiva husi Eis-Reitór UNTL, Profesór Aurélio  Guterres, Ph.D no Eis-Sekretáriu Estadu Juventude no Desportu, Sr. Leovigildo da Costa Hornai.pppp 3

Média UNTL 📝 : Leonia de A. Da Costa

Foto 📷 : Denilson A. Barros

Comment

Universidade Nacional Timor Lorosa’e (UNTL) hamutuk ho Komisaun Funsaun Públika (KFP), loke konkursu públiku ba kategoria/grau mak hanesan; Tékniku Profésional/Grau C (vaga 10), Tékniku Profésional/Grau D ( vaga 19), Tékniku Administrativu/Grau E (vaga 4), no Assistente Administrativu/Grau F (vaga 4).
 
Ba interesadu sira, bele haree informasaun kompletu no termu referensia ba kada vaga iha avizu no dokumentu aneksu (bele download iha link tuir mai):
 
 
Média UNTL 📝 / DNRU
 
74 No Ref CPI 74 2022 AA Grau F
74 No Ref CPI 74 2022 AA Grau F2
74 No Ref CPI 74 2022 AA Grau F3
 
 
 

Comment

#TimorLeste #UNTL #FCS-DCS #CI #COVID19#COVID19TL 04 Maiu 2022

Universidade Nacional Timor Lorosa’e (UNTL) nia estudante na’in 25 husi Departamentu Komunikasaun Sosiál (DCS), Fakuldade Siénsia Sosiál (FCS) partisipa iha kolókiu públiku ne’ebé promove husi Konsellu Imprensa ho tema “Jornalizmu iha Ameasa Dijitalizasaun” hodi komemora Loron Liberdade Imprensa, iha Salaun Delta Nova, Díli (03/05).hhhh 1

Elias da Costa, partisipante DCS nian, sente kontente tebes tanba bele partisipa iha kolókiu refere hodi komemora Loron Liberdade Imprensa iha Timor-Leste ne’ebé aserta iha loron 3 fulan Maiu.

“Ami partisipa no aproveita hanesan oportunidade ida atu eleva koñesimentu iha ameasa dijitalizasaun ba média no jornalista sira, nune'e mós atu hatudu profesionalizmu no kualidade iha hakerek notísia, hasai foto no halo filmajen hodi lori asesu ho lalais liuhusi Rede Sosiál,” realsa Elias.

Relasiona ho evente públiku ne’e, Prezidente Konsellu Imprensa, Sr. Virgilio Guterres, hateten komemorasaun Loron Liberdade Imprensa ne’e atu hanoin fila fali Loron Liberdade Imprensa iha mundu tomak nomós iha Timor-Leste.hhhh 2

“Eventu ne’e anuál, komemora loron mundiál mundu tomak selebra iha loron “3 Maiu” hanesan Loron Mundiál Liberdade Imprensa nian atu hanoin fila fali jornalista sira ne’ebé hetan ameasa no diskriminasaun, balun mate bainhira hala’o atividade jornalístiku”, dehan Prezidente.

Virgilio Guterres mós konvida timoroan hotu esforsu atu garanti liberdade imprensa no lori asesu  informasaun ba sosiedade. 

Orador ba kolókiu ne’e parte akadémika Profesora Dulce da Silva Martins (UNTL), STL-Media Sr. Salvador J. X. Soares, no Sosiedade Sivil (CEPAD) Sr. João Boavida.hhhh 3

Partisipa ba eventu ne’e maka husi parte Governu, Sosiedade Sivil, Prezidente Konsellu Imprensa no membru sira Asosiasaun Jornalista sira hanesan AJTL no TLPU, universitáriu sira husi  UNTL, UNITAL, UNPAZ no jornalista inklui konvidadu sira.

Iha parte seluk relasiona ho komemorasaun loron Liberdade imprensa ne’e, DCS nia estudante sira mós halo marsa la’o ain husi Kampus Kaikoli to’o Palácio do Governo Eis-Casa Europa nia oin hodi presta omenjen ba Jornalista Roger East ne’ebé militár Indonézia oho no hamonu ba tasi laran no jornaslista sira mak mate iha luta Timor-Leste nian. hhhh 4

Média UNTL 📝: Francisco Colo (estajiáriu)

Foto 📷 :  Francisco Colo (estajiáriu)

Comment