UNTL NIA DEKANU FEG HO ESTRUTURA ATUALIZA PROGRESU BA MAGNÍFIKU REITÓR

Dekan FEJ

#TimorLeste #UNTL #FEJ 24 Fevereiru 2021
Universidade Nacional Timor Lorosa'e (UNTL) nia Magnífiku Reitór, Profesór dr. João Soares Martins, MPH, Ph.D akompaña husi Visereitóra ba Asuntu Estudantil, Eng. Lígia Tomas Correia, M.Sc hala'o enkontru ho Dekanu Fakuldade Ekonomia no Jestaun (FEG), Profesór Custódio Barata Ximenes, ho nia estrutura, hodi ko’alia kona-ba nesesidade fakuldade nian, dezafiu no planu sira.

Iha Sala Vídeo Konferénsia UNTL nian, Díli, (24/02), Dekanu FEJ nian aprezenta katak nia fakuldade presiza halo rekrutamentu ba dosente, no solisita mós Reitor nia apoiu hodi fasilita dosente sira ne’ebé sei hala’o estudu iha nasaun seluk hodi finaliza sira-nia estudu.

Liuhusi enkontru refere Dekanu mós hato’o kona-ba kondisaun jerál fasilidade hanesan saladeaula ba prosesu aprendizajen, eskritóriu ba pesoál administrasaun, no dosente sira fakuldade nian no asuntu relevante sira seluk.

Média UNTL 📝: Agostinho da Cruz e Silva
Foto 📷: Agostinho da Cruz e Silva