MAGNÍFIKU REITÓR HAMUTUK HO ESTRUTURA FCS ATUALIZA PROGRESU NO DEZAFIU SIRA

Escrito por Mateus Goncalves Visualizações: 412

 FSC

#TimorLeste #UNTL #FCS #HumanRightsCentre 18 Fevereiru 2021
Universidade Nacional Timor Lorosa'e (UNTL) nia Magnífiku Reitór, Profesór dr. João Soares Martins, MPH, Ph.D, akompaña husi Visereitór sira hala'o sorumutu ho Dekanu Fakuldade Siénsia Sosiál (FCS) nian, Profesór Camilo Ximenes Almeida, no Visedekanu sira hodi atualiza progresu no dezafiu sira Fakuldade nian, ba estrutura universidade nian.

Liuhusi aprezentasaun ne’ebé hala’o iha Sala Vídeo Konferénsia Kampus Sentrál UNTL nian, Díli (18/02) ne’e, estrutura FCS hato’o kona-ba progresu no dezafiu sira ba Ekipa Reitorál, inklui planu sira hanesan atu reativa kursu estensaun nian hanesan Departamentu Relasaun Internasionál no Administrasaun Públika.

Toka mós kona-ba rekursu umanu sira ne’ebé atinji ona liuliu hirak ne'ebé hasai kursu doutoramentu ne'ebé permite ona atu loke kursu foun nível Mestradu iha FCS, alende ne'e estrutura FCS mós lori funsionáriu sira husi Sentru Direitus Umanus ne’ebé tutela iha Fakuldade.

Partisipa iha enkontru ne’e, Visereitór ba Asuntu Akadémiku no Garantia Kualidade Profesór Doutór Samuel Venâncio Sousa Freitas, Visereitora ba Asuntu Estudantíl, Profesora Eng. Lígia Tomas Coreia, M.Sc, Dekanu Fakuldade FCS, Profesór Camilo Ximenes Almeida, ho nia estrutura, inklui konvidadu sira.

Média UNTL 📝: Agostinho da Cruz e Silva
Foto 📷: Agostinho da Cruz e Silva