UNTL-UN RESIDENT COORDINATOR HO UNESCO DISKUTE PLANU ASAUN

Escrito por Mateus Goncalves Visualizações: 10172

Reitor UNTL ho UN Residence

#TimorLeste #UNTL #UNResidentCoordinator #UNESCO 15 Fevereiru 2021

Universidade Nacional Timor Lorosa’e (UNTL) nia Magnífiku Reitór, Profesór dr.João Soares Martins, MPH, Ph.D, reuniaun ho UN 🇺🇳 Resident Coordinator iha Timor-Leste, Sr. Roy Trivedy, no reprezentate Organizasaun Nasaun Unidu nian ba Edukasaun no Kultura (UNESCO), iha Timor-Leste Sra. Adelina Carly Tilman, iha Sala Vídeo Konferénsia UNTL nian, Díli, (15/02).

Objetivu husi reuniaun hodi ko’alia kona-ba plataforma ne’ebé Nasoens Unidas iha no bele kolabora ho UNTL, hanesan Rede Solusaun ba Dezenvolvimentu Sustentável no International Telecommunication Union (ITU). Diskute mós kona-ba planu UNESCO nian ba apoiu ensinu superiór públiku iha Timor-Leste.

Partisipa iha enkontru Visereitór ba Asuntu Akadémiku no Garantia Kualidade, Profesór Doutór Samuel Venâncio Freitas, Visereitór ba Asuntu Estudantíl, Profesora Eng. Lígia Tomás Correia, Proreitora ba Asuntu Kooperasaun, Profesora Doutora Lídia Gomes, SKM, M.D. no Dekana FEAH, Profesora Doutora Ana Cristina de J. Silveira Martins, husi UNESCO Asitensia Teknika Sra. Odete da Costa Barreto no Partnership & Development Finance UNRC's Office, Sr. Alex Tilman.

Média UNTL 📝: Mateus Goncalves
Foto 📷: Denilson A. Barros (estajiáriu) ho Leonia de Araújo (estajiária)