Magnifiku Reitór UNTL enkontru Prezidenti IPG

Magnifiku Reitór Universidade Nacional Timor Lorosa’e (UNTL), Profesór dr. João Soares Martins, MPH, Ph.D, akompaña husi Visereitór no Proreitór sira enkontru ho Prezidenti Instituto Petróleo e Geologia (IPG), Eng. Gabriel Aparício, ho nia ekipa hodi aborda kooperasaun entre universidade nasionál ho IPG iha futuru.

 

Enkontru ne’ebé iha sala videokonferénsia UNTL nian, Díli (02/01) ne’e ho objetivu atu konsolida kooperasaun ne’ebé mak antes ne’e iha ona dezde 2011, servisu hamutuk instituisaun rua iha apoiu fasilidade no peskiza ba UNTL liuliu iha Fakuldade Enjeñaria, Siénsia no Teknolojia (FECT), nia Departamentu Jeolojia no Petróleu.

 

 

Partisipa iha reuniaun ne’e Vise-Reitór ba Asuntu Administrasaun Finansa no Administradór Jeral, Profesór Helio Augusto da C. X. Mauquei, Ph.D, Pro-Reitór ba Asuntu Kooperasau, Professora Doutora Lidia Gomes, Proreitór ba Asuntu Dezenvolvimentu Institusional, Profesór Doutór Lelis Gonzaga, enkuantu parte IPG Prezidente IPG Eng. Gabriel Aparício ho nia ekipa.

 

Média UNTL : Agostinho da Cruz e Silva

Foto : Agostinho da Cruz e Silva, Denilson Barros (Estajiariu)