UNTL liuhusi Institutu ba Estudu Dame Konflitu no Sosiál (Peace Centre and Conflic Studies koopera ho University of Sidney liuhusi vizita PEACE BOAT nian oferta livru 500 ba UNTL, atu fasilita estudante sira.
Iha esntrevista Reitór UNTL, Francisco Miguel Martins, hateten PEACE BOAT ne’e mai liuhusi University of Sidney fó doasaun ida ho livru 500 ba Estudu Dame Konflitu no Sosiál.
“Livru hirak ne’e nu’udar fonte ba konsulta atu evela kualidade akadémika UNTL liuliu estudante sira ne’ebé estuda iha programa Pós-Graduasaun i Mestradu Peace and Conflic Studies”. Fonte ne’e hato’o mós katak PEACE BOAT ho vizita ne’e asina mos akordu ida atu estudante UNTL sira sai membru hodi partesipa iha vizita ho Ró Páz (PEACE BOAT) nian ne’e.
“Ho esperansa boot ita-nia dosente no estudante sira bele partesipa di’ak liután iha konsórsiu boot ne’e hodi gaña esperiénsia barak atu kontribui ba prosesu dezenvolvimentu nasionál”
Reitór akresenta mós katak UNTL estabelese programa pós-graduasaun I mestradu ida liuhusi Peace Centre and Conflic Studies ne’ebé nain haat maka aprezenta sira-nia abstratu peskiza nian, bainhira Ministériu Edukasaun formaliza ona dokumentu ida maka bele ba defeza públika.
Iha fatin hanesan Diretór Peace Centre and Conflic Studies UNTL, Profesór Antero Benedito esplika sentru ne’e hanesan espasu ida hodi evolve foin sa’e sira atu aprende hamutuk.
Profesór Antero informa liután katak dezde harii liuhusi programa diskusaun, peskiza, semináriu inklui interkábiu no vizitante sira husi Universidade sira husi rai-liur besik estudante 500 maka envolve iha sentru ne’e.
Iha fatin hanesan estudante ba Programa Mestradu, Jose Caetano Guterres, peskizadór kona-ba kontribuisaun legal ba transformasaun konflitu rai hateten
“Tópiku ne’e ha’u foti tanba assuntu rai ne’e sempre mosu disputa barak hamosu violénsia hahú husi família, maské iha lei-rai maibé presiza kontribuisaun husi komunidade”
Eventu ne’e, estudante Pós-Graduasaun no Mestradu sira nain haat maka hato’o aprezentasaun ba abstratu peskiza nian. Entretantu Estrutura UNTL ho estudante inklui vizitantu sira hala’o mós vizita ida ba PEACE BOAT.
PEACE BOAT ne’e iha Dalen Tetun Ró Páz nian, nia Sede iha Japaun ho nia programa’ promove estudu, Kreatividade, Úniku no oportunidade atu partesipa iha paizajen sira ba mundu tomak hodi promove páz*EKR*