UNTL dignifika nia jogadór sira ho esperansa sai kampiaun iha futuru

Visualizações: 2547

Universidade Nacional Timor Lorosa’e (UNTL), liuhusi Gabinete Proreitoria Asuntu Estudantíl, hala’o agradesimentu ba kampiaun Liga Nasionál Basketeból Timor-Leste époka 2017 hodi  lansa jogadór sira husi modalidade basketeból, Voleból tantu feto-mane iha Époka 2018.Web 1

Iha entrevista Proreitór ba Asuntu Estudantíl, Professór Zeferino Viegas Tilman hateten eventu ne’e ho tipu ida agradesimentu ba rezultadu hirak maka UNTL atinje iha époka 2017 nian liuliu Ekipa Basketeból ne’ebé sai kampiaun.

 “Ami halibur iha ne’e hala’o mós lansamentu ba jogadór sira basketeból no veleból (feto-mane) ho ida ne’e ita espera katak iha tinan ne’e ba oin UNTL sei hatudu rezultadu di’ak tanba iha jogadór talentozu barak foin envolve iha klubu ne’e liuhusi selesaun jogu eskolár iha tinan hirak liubá”, Proreitór tenik.

Profere mós iha diskursu, proreitór ne’e agradese Departamentu Atividade Estrakurrikulár ne’ebé lidera husi Jose de Jesus dos Santos ba esforsu iha tempu barak hodi realiza atividade ne’e.

Iha fatin hanesan Sekretáriu Jerál Federasaun Nasionál Basketeból Timor-Leste, Isildo Tilman hateten inisiativa ba eventu ne’e sai ezemplu ida ba klubu sira seluk atu dignifika jogadór sira iha klubu.

“Ha’u hato’o parabens ba UNTL tanba hatudu partesipasaun ho rezultadu di’ak iha modalidade tolu ne’e;  futeból V-lugár, basketeból maskulinu iha V-lugár, Voleból Maskulinu V-lugár, Voleból femeninu iha III-lugár no basketeból femeninu iha I-lugár ”, kongratulaWeb 2

Enkuantu Reprezentante Reitór UNTL, Atuál Proreitór Asuntu Planeamentu no Dezenvolvimentu Institusionál, Professór Leonel da Silva Gregorio Madeira, reprezente Magnífiku Reitór hodi hato’o apresiasaun ba jogadór sira.

“Husu ba ba jogadór sira hanesan estudante atu uza tempu ho di’ak partesipa iha jogu sira nomós estuda, iha biban ne’e Agradese ba parte hotu maka apoia ona Ekipa-Akadémika tantu direita nomós indireita”.

Konta mós partesipasaun husi estrutura Universidade nian, Sekretáriu Jerál Federasaun Nasionál Basketeból Timor-Leste, treinadór no jogadór sira inklui Diretór empreza Lorico, LDA, Lexi Vong,  ne’ebé apoia ba atividade desportu akadémika nian. Iha ne’ebé atribui mós sertifikasaun apresiasaun ba jogadór sira. *MG434*