Universidade Nacional Timor Lorosa’e (UNTL) ho Southeast Asian Regional Center for Graduate Study and Research in Agriculture (SEARCA) organiza forum seguransa alimentár durante loron tolu (28 fevereiru to’o 1-2 marsu), iha Liceu ho tema “Leaders in ASEAN Agriculture and development in Timor-Leste”.
Iha entrevista ba jornalista sira, Reitór UNTL, Francisco Miguel Martins atividade ne’e eventu internasionál ne’ebé koopera ho SEARCA no MAP hodi partila no deskute kona-ba seguransa alimentár (Food Security) no mudansa klimátika no temátiku seluk tán.
“Eventu ne’e realiza tanba ita asina ona akordu ho SEARCA iha 2015 ne’ebé aleinde peskiza iha área agrikultura maibé fó mós bolsu estudu ba professór sira husi Fakuldade Agrikultura tantu iha Filipina no Nasaun Aziátiku sira inklui Indonézia”.
Iha fatin hanesan, Proreitór Asuntu Kooperasaun, Professór Eduardo Aniceto Serrão hateten atividade loron tolu ne’e hanesan eventu-aprendizajen hodi halibur entidade sira maka servisu ba área agrikultura nian ne’ebé responsabiliza ba seguransa alimentár.
“Atu garante seguransa alimentár ne’e, sira presiza hatene dalan sira atu akompaña ita-nia agrikultór sira no buka problema ne’ebé sai preokupasaun ba komunidade (agrikultór sira) hanesan produsaun, kolleta no bele mós organiza ba merkadu nom’os efeitu sira husi mudansa klmátika”.
Enkuantu ligadu ho mudansa klimátika, haree husi parte akadémiku nian, Proreitór hateten mudansa klimátika ne’e afeta ba produasaun agrikola direita, tanba Timor-Leste rai kiik maibé mudansa ne’e assuntu globál afeta mós.
“Ha’u dezeja katak ita-nia partesipante sira, liuhusi eventu aprendizajen ne’e sira bele hetan konseitu ruma”
Entretantu Ministru Estadu no Ministru Agrikultura I Peska, Estanislau Aleixo da Silva, profere iha diskursu katak Governu nafatin iha polítika esforsu hodi investe atu hasa’e produsaun rai-laran atu redús importasaun.
Partesipante sira nain haatnulu resin mai husi instituisaun oioin tantu governamentál, non-governamentál no akadémiku sira inklui peskizadór husi husi UNTL no husi SEARCA. *EKR*