Universidade Nasionál Timor-Lorosa’e (UNTL) hahu halo rejistrasaun ba estudante foun sira tinan letivu 2018 iha Kampus Central no destaka mós iha fakuldade sira hahú segunda Horseik (29/01) ne’e.
Relasiona ho rejistrasaun ba estudante foun sira tuir Ervina Hilaria Guteres hanesan estudante founsenti orgullu tebes tanba bele liu ona selesaun hodi asesu ba UNTL hodi realiza nia mehi
“Nu’udar estudante ne’ebé liu ona iha Fakuldade Medisina i Departamentu Siénsia Biomédika laboratórium sente orgullu maské la’ós opsaun primeiru no ba maluk estudante sira ne’ebé liu ona tenke agradese hodi aproveita didi’ak”.
Iha sorin seluk João Zinho de Sousa Belo, senti kontenti tebes tanba bele liu ona iha UNTL maské iha ema barak mak la hetan oportunidade tanba ne’e nu’udar estudante iha preparasaun másimu hodi hetan kualidade.
“Ha’u hakarak atu hili Departamentu ne’e tanbasei menus liubá ema ne’ebé estuda kona-ba Siénsia enjenária sira”, tenik João Zinho
Entretantu Reitór UNTL Francisco Martins hateten selesaun ba estudante foun mai husi Ministériu da Edukasaun dezde hahú husi 2008 maibé foin iha tinan liubá maka UNTL hamutuk ho ekipa konjunta ida hahú husi diseminsaun informasaun no koresaun ezame.
“Iha fakuldade hotu ne’ebé iha nia prosidimentudiferente tan sei tuir teste iha fakuldade, ezemplu Fakuldade Medisina Siénsia Saúde teste fali iha mentál no saúde (fízika no Mentál)”.
Ba tinan letivu 2018 ne’e, estudante ho totál rihun tolu hitunulu resin rua, husi kanál rejime méritu no kanál oportunidade ba estudante sira maka akava ona ensinu sekundáriu dezde 2013-2017. Enkuantu Institutu Politéknika Betanu (IPB) hamutuk estudante 192.* REK*