Lansa ona Livru Tour de Timor iha Uma Amérika

Visualizações: 3155

Livru ne’ebé hakerek husi autór husi Estadus Unidus Amémika, kona-ba atividade Tour de Timor ne’ebé promove husi Eis-Prezidente Repúblika José Manuel Ramos Horta, dezde fulan augustu 2009 ho objetivu hametin páz no atrai turista internasionál sira.

IMG 3210

Liuhusi entrevista, Reitór UNTL, Francisco Miguel Martins, iha local Uma Amérika, kinta-feira ne’e hateten livru ne’e hakerek husi  Akadémiku sira reflete realidade no implementasaun kona-ba Tour de Timor hodi utiliza liuliu professor sira ne’ebé hanorin Lian Inglés.

Ha’u hanoin profesora ne’e hanorin iha Departamentu Inglés no livru ne’e sei distribui ba eskola sira atu professór sira bele uza ba hanorin no bele mós asesu liuhusi wesite, tenik Reitór.

Entretantu Fundadór Tour de Timor, José Ramos Horta ho esperansa katak liuhusi livru ida ne’e bele promove liután Tour de Timor bele sai susesu boot tanba livru ne’e hanesan publisidade ida ho istória.

“Ha’u fiar katak livru ne’e fó kontribuisaun di’ak ba Tour de Timor liuhusi istória no sei lori ema barak bele koñese Tour de Timor”, Fonte ne’e garante.

Livru Tour de Timor Ne’e, hakerek husi profesora ida voluntária husi Estadus Unidus Amérika, ne’ebé hanorin mós iha Departamentu Dalen Inglés FEAH. Lansa iha Uma Amérika ne’ebé lokaliza iha Kampus Ekonomia no Jestaun. Ho partesipasaun husi estrutura Universidade nian, Embaixadora Estadus Unidus Amérika, Eis-Prezidente Repúblika José Manuel Ramos Horta no estudante sira. *EZA*, Editor MG2017